| Mohammed's profileMBC Version II.0 (DuE)BlogListsSkyDrive |  Tools  Help |
|
November 03 انتقلنا عفر
المهم اخواني واخواتي انا انتقلت من السبيس الى البلوج
لان السبيس فيه خرابيط واجد وما ليي بارض ليها انصحكم تسجلون ليكم بلوج وبالعربي بعد
واعذروني لأني ما كتبت في الفترة الأخيرة شيء لأن كان عندي مشاغل طول الأشهر الي طافت
المهم الحين الأشغال خلصت وتقدرون تحصلون مواضيعي على هذي الوصلة
واذا عجبتكم البلوج وتبون تسوون وحدة مثلها اضغطوا على لصورة
August 23 !تحت الـصيانة Under maintance !السبيس تحت الصيانة ، من زمان ما شخبطت فيه
Please Come Back in a While
With mY Best WISh wish wish WIshes
the {one} & only MBC June 18 مذكرات امتحانيةوانتهت الأمتحانات بهذه الجملة ابدأ موضوعي الجديد "مذكرات امتحانية"
بالامس القريب " يعني الخميس " قلت للأمتحانات بح خلاص NO MORE Till Next Year على العموم توزعت امتحاناتي على ثلاثة ايام اليوم الأول : الأحد 12/6/2005 في هذا اليوم كان اول امتحان ، وهو امتحان لغة عربية ، المهم في وقت الأمتحان صارت عفسة وكل الناس ما يعرفون وين يروحون وكان فيه مقررين عربي يمتحنون في نفس الوقت
المهم دخلت سكشن وبس ولا ادري ويش السالفة ، عاد تالي دخلت المراقبة وفي ايدها قوطي بيبسي دايت وقعدت تتدلع الواحد لايعه جبده من الامتحان وهي قاعدة تهدر بالانجليزي ونص عربي ، حتى بعض الصبيان قاموا يتطنزون على دلعها وهي مستانسه
المهم بعد شوي جابت الاوراق مال الامتحان ووزعتهم علينا ، عاد انا سيده فتحت الامتحان بدون ما اطالع الصفحة الا قدام وشفت سؤال تعبير واحنا مقررنا ما فيه تعبير استانست قلت يمكن قالوا يبغون درجات ازيد وحطوا سؤال تعبير تالي اكتشفت ان الاسئلة مال مقرر ثاني ، نص اللي كانوا في القاعه عطوهم اسئلة مقررنا والنص الثاني مقرر غير ، الدختورة اخذت ورقتي واوراق الناسات اللي عندهم مثلي ، وقالت اي مقرر تدرسون ، نص الصف كانوا يدرسون المقرر اللي انا ادرسه والنص الثاني مقرر آخر ، وسئلتنا من يدرسكم طلع فيه ثلاث دكاترة يدرسوننا وفي نفس القاعه داخلين الدكتور استجنت وقعد تتدلع زيادة تقول بتموت وما ادري ويش ، المهم جه دكتور وقال ليها عادي خلنا نمتحن في نفس المكان عقب شوي بدينا الامتحان ، وعاد كلحين الدختورة تطوف قدامي والعطر مالها ريحته مثل بسكوت نبيل محزر يخنقني ، انا من تطوف تجيني الكحة واحاول احبسها ومن تتباعد اكح ما اقدر اتحمل اختنق وكلحين تبطل المنظرة وتقعد تعدل مكياجها ، عاد انا وصاحبي كل واحد يغشش الثاني غلط وهي ولا تدري بالدنيا ، بس مرة شافتنا هردنا عليها شوي بالانجليزي واتباعدت مرة ثانية ، وبعد كلحين يجي دكتور ويقعد يغازل فيها واحنا مجودين الضحكة ، واذكر دكتورة دخل وقعد يسولف وياها وبعدين عطاها حلاوة يوم شافنا كلنا نطالع قام يسوي لو عندي حلاوة انجان عطيتكم كلكم انزين وبعدين ما نشوف الا واحد من الدكاترة يقول ليها " لو انتين مو متزوجة انجان خطبتش " قمت وقلت اطلع لا يصير لينا فلم هندي الحين وطلعت . اليوم الثاني : الثلاثاء 14/6/2005 في هذا اليوم اللي نصه نحيس كان عندي امتحانين الأمتحان الأول كان احصاء ، رحت جامعه مدينة عيسى علشان اقدمه ، المهم فتحت الصفحات ونص الاسئلة ما عرفت اجاوبهم حتى محاولة احلهم ما حاولت ، قمت وقلت خلهم يولون هذا الامتحان ما يقيس قدراتي لاني في الاحصاء مال الثانوي "ريض 103 " جبت 100 مال الجامعة بس يبغون يشككوني في قدراتي المهم سلمت الورقة وانا مستانس وطلعت بره انطر صاحبي ، وانا على الكراسي متملل شفت القاعه مال الامتحانات قلت ليش ما ارسمها ورسمتها وطلعت الرسمة جدي
ما شاء الله عليي اعرف ارسم احسن من هذا شسمه ايه ذكرت فان جوخ ، بس اهم شيء اللي عيونهم حارة يتباعدون عني ، بروح بخليهم يشببوني المهم خلص رفيقي وانطقلنا الى الصخير لان كان عندنا امتحان Extensive Reading وصلنا الصوخير وانا عبالي بيجيبون لينا قصص تلوع الجبد بس يوم شفت الامتحان كانت القصص لطيفة الأولى اسمها "قلعة العبيد" "The Slaves Fort" اللي كاتبنها عفر عربي ومترجمينها للأنجليزي ، القصة الثانية عجبتني أكثر واسمها "العنقاء" "The phoenix" صدق فيها خيال واجد بس في النهاية فضول الناس يقودهم الى الهلاك .
اليوم الثالث والأخير : الخميس 16/6/2005 كان مزاجي متعكر في هذا اليوم
المهم بعدين وصلت الجامعه ودرست تشونه هناك ، وبعدين رحت قاعة الأمتحان ووزعوا الأوراق ، جايبين لينا في القراءة مقال عن السعادة المهم تابعت قراءة وآخر كلمة في المقال الخربوطي كانت سيركومستانسيز ، المهم هذي الكلمة انا احب اكتبها يعني كل مقال او رسالة او قصة لازم تكون فيها هالكلمة ، مع اني احبب اكتبها بس ما احب معناها لأن دائماً هذي الكلمة تستخدم حق الأشياء السلبية >> على آخر عمري اتفلفس
مدام احنا على طاري كلمة خلوني اعلمكم حركة Circumstances كل اللي مو اوكي في الانجليزي لين شافوا واحد يكتب كلمة طويلة بالانجليزي يقولون " نايبة تشيله جيف يقدر يكتب كلمة هالطول بدون ما يغلط " الجواب ان معظم اللي يكتبون الكلمات الطوال ما يكتبونهم مرة وحده ، يعني يقسمون الكلمة الى عدة اقسام مثلا نآخذ الكلمة CirCumStanCes يعني يحفظها جدي في البداية Cir Cum Stan Ces وبعدين لين جه بيكتب يتذكر المقاطع ويلصقهم في بعض ، وما فيه قوانين حق تعرف كيف تقسم الكلمة بس شوف اي قد تقدر تحفظ او المقاطع اللي تريحك وقسمها على هذا الأساس اتمنى تجربون الطريقة وتشوفونها تنفع او لا المهم نواصل سالفة الامتحان ، عقب ما حليت الامتحان ما بقى الا الرايتنغ ، كان فيه كأنه خمس مواضيع متنوعه
انا نفسي لاعت جبدي وانا اكتب الله يساعد اللي بيقرونه على العموم انتهت امتحاناتي والحين قدامي اجازة طويلة مليئة بالنوم والكسل في امان الله
June 04 لا تؤجل عمل توداي حق تومور
فقلت باجر بيصير عندي فراغ 7 ساعات خلني اسويه بكره هناك ورحت انخمدت ___________ كو كو كو كو قعدت من النوم بعد ساعات معدودات قمت ورحت محطة البص تالي رحت البرادة اللي صوبها واخذ 4 طماطه جوش الواحة شافني رفيقي رفيقي : لويش جاي اليوم بعدك ما خلصت انا :لا خلصت بس رايح اليوم اسلم اسايمنت العربي رفيقي : وين اسايمنت العربي ما اشوف شيء في ايدك انا : بعدي ما سويتها ، تفضل اشرب توماتو جوس مفيد للصحة رفيقي : الظاهر مأثر عليك هالمنكر روح البيت نام احسن من تروح الجامعه تسلم اسامنت ما سويتها ________________ المهم بعدين جه الباص وركبت فيه ويوم وصلت قلت مانه مسونه الحين فيه وقت بعدين رحت شربت ليي كوفي وبسطت شوي تحت الحشيش تالي رحت آخذ درجة القرآة المكثفة ، واخذت درجات ربعي ، تالي اتصلت لربعي وقلت ليهم درجاتهم
قام اتصل ليي وقال ليي ارد ارجع وآخذ ورقته مال الامتحان ، قمت رجعت واخذت ورقته بعدين قمت اتمشى وشفت واحد من الربع بسطت وياه شوي وعزمني على دونت ومشى بعدين هالنفر قلت الحين بروح اسوي الاسايمنت وانا في طريقي حق مختبر الحاسوب ، شفت اثنين من ربعي بيروحون بيت واحد لانهم نسوو شيء قمت وقلت الحين بعد فيه وقت بروح وياهم وبرجع اسوي الاسايمنت
تالي قلت بستريح شوي ، قمت قعدت افتر في مواقع النت تالي قلت بروح آكل ليي لقمة واصلي رحت أكلت ليي لقمة وصليت وفي رجعتي المختبر شفت واحد اعرفه وبسطت اسولف وياه تالي ما طالعت الساعه الا هي تشير الا الواحدة ونصف ، يعني باقي بس ساعة ويصكون المختبر
بعدين فكرت في شيء اسويه وحصلت رحت اللاب وطالعت الساعه وصلت ثنتين ، كتبت سطرين في عشر دقايق
وهو طالب منا نكتب بعد اي شيء من عملنا ونسلمه قمت قعدت اهر واخربط وسويت خربوطة >>> يمكن اراويكم اياها بس مو اليوم ويوم خلصت سويت ليي موقع على استضافه مجانية ورفعت الاسايمنت
________ حسبت اليوم بيكون مملل لاني كنت بدون محاضرات بس كان اليوم عكس ما توقعته May 31 اروح لو ما اروح ؟؟السلام عليكم من زمان ما قعدت اهر عليكم عفر
فأنا افكر اني ما اروح تسوه عليه الواحد يطقها من هني الى الصخير على حساب محاضرة وحدة ؟؟؟
ايهو احسن انام للساعه 10 لو اقعد من الساعه 5 الصبح ؟ تخيلوا روحكم منخخمدين والايسي البارد ينفخ ، لو تقعدون في باص التاتا اللي بالزور الايسي يشتغل فيه
May 19 Build A Bridge
Build a bridge to your mind
May 10 خطاب الأفتتاحبسم الله الرحمن الرحيم
حياتي خالية من الذكريات فكلها ملل وتعاسة وما ادري ايشو انا شفت واحد مستخدم هالحركة قمت وقلت ليش ما اسويها كيف هو احسن مني ؟؟؟
المهم قمت اعفس واعفس لين ما استوى تالي قعدت افكر اقول لازم خطاب افتتاحي وقعدت اخور وانجب ادور شيء اكتبه بس مو راضيه الأشياء تطلع من جعبتي قمت وقلت خلهم يولون كأنه الا احد بيقرأ هالشخبوطه وما شفت روحي الا اكتب واكتب ودكو الحين كتبت ما ادري كم سطر وانا ولا ادري ويش معناتهم والحين انا متوهق ويش اكتب حق اختم الخطاب
وفي الختام ابعث خالص الشمسه حق اللي قروا الموضوع |
||||
اخيراً رجعت أكيد وحشتكم
حليت الامتحان وطلعت مستانس ، ويوم شفت الصبيان قلت ليهم الامتحان سهل 
بس هم يقولون صعب ولا سووه زين 
حتى اني ما نمت ولا ساعه ، المهم قمت علشان اتجهز للجامعه 
شوي واطيح لان راسي داير حده ، قلت ما فيه امل اوصل الجامعه اذا جدي ، المهم كافحت وقدرت اظل واقف بدون ما اطيح ، بعدين وانا امشي في الطريق للمحطة مال البص ، ما اسمع الا راسي يطقطق وانا امشي اقول لروحي اكو حتى مخي يقول ليي لا تروح الأمتحان ، المهم عقب شوي وصلت صوب المحطة ورحت بشتري عصير الطماطم النقي ، بس شفت ريد بوول وتذكرت ان ريد بوول بيعطيك جووووووووانح ، وقلت خلني اجرب فتحت العلبة وشربتها كامل 
وشفت روحي بعدي تعبان 
يعني يقصون علينا وانا ما حصلت طاقة ولا خرابيط وحتى فكرت ارفع قضية ، كيف قاعد على بنك انا اشرب ما ادري وشو بخمس ربيات ؟
عقب شوي ما اشوف الا الطاقة تتدفق في جسمي يعني ريد بوول صدق بيعطي الناسات جوانح ، يعني اذا كنتون مرهقين اشربوا ريد بوول ، بس الافضل انكم ما تخلون شي يعكر مزاجكم حتى لو حاولوا الناس يعكرونه 
وتنامون على راحتكم 
كلش مو حزته انا لايعه جبدي وهم جايبين ليي عن السعادة ، المهم وانا اقرأ يقولون لك العلماء ولاد ميري ، ان السعادة ما تكون بأن الواحد ما عنده مشاكل ، يقولون لك ان السعادة الحقيقة تكون بأن الواحد يقدر يعالج المشكلات لين صادته ، بس ويش لو واحد حاول يحل المشكلات بس ما حصل فرصة هذا ويش يسمونه سعيد لو تعيس لو منحوس 
تالي قلت ليش افكر انا اصلاً لين كتبت فيهم كلهم شنو بيصير مشاكل المجتمع ما بتنحل قمت وكتبت في موضوع وبس وخلصت الرايتنغ وقمت طلعت .
وصار الصياح والصراخ 
الله يسلمكم دكتور العربي عطانا اسايمنت نسويها من شهر 
عاد انا الشاطر كل مرة أقول بسويه وبعدين اقول خله لبعدين فيه وقت 
لين ما جاء امس وقلت بسويه الصبح ، بس ما التفت الا صار العصر وفجأة الليل نزل 
ويوم وصلت الساعه 12 امس قلت يمديني اسويه 
قعدت سويت ثلاث سطور وبعدين جتني النومة 
واحد ما عجبته الدرجة ، قام اتصل للدكتورة يستفسر عن السبب ، الدكتورة قالت له يجي يسئلني انا 
رحنا ورجعنا الساعه 11 وربع تقريباً ، رحت مختبر الكومبيوتر اخيراً وكتبت خمس اسطر كاملة 
عصبت ما بيمديني جدي اخلص 
اشتقت لايام الثانوي فقمت اسوي كوبي + بايست
I Like This Lyric |
|
+-+Windows+Live&referrer=){kind=small}
